Потребно:
- 1,2 кг исчистена лубеница
- 200 мл свежо исцеден сок од лимон
- 100 мл шеќерен сируп (или 80 г шеќер)
- 500 мл ладна вода
Дополнително:
- Коцки мраз
- Свежи листови од нане за декорација
Подготовка: За подготовка на лубенадата можете да користите и шеќер, но ако се одлучите за шеќерен сируп, загрејте 100 мл вода и 100 г шеќер додека шеќерот целосно не се растопи, а потоа изладете. Лубеницата ислистете ја од кората, исечете ја на коцки и отстранете ги сите семки. Ставете ја лубеницата во блендер и блендирајте додека не стане течна (можете да ја процедите и низ цедалка ако сакате помазна текстура). Додадете го сокот од лимон и шеќерниот сируп (или шеќер) во сокот од лубеница и добро измешајте. Додадете ја ладната вода и прилагодете ја количината доколку е потребно – додадете повеќе вода ако вкусот е премногу интензивен. Сервирајте во чаши со коцки мраз и декорирајте со листови од нане по желба. Добар апетит!
