Потребно:
- 20 шери домати
- 1 црвен кромид
- 1 млад кромид
- 200 г фета сирење
- 10-12 листови свеж босилек
- 1 јајце
- 100 г пченично брашно
- Црн пипер, мајчина душица, оригано (по вкус)
- Маслиново масло (за пржење)
Подготовка: Шери доматите исечете ги на четвртини, црвениот и младиот кромид ситно исечкајте ги. Изгмечете го фета сирењето со вилушка, а босилекот ситно исечкајте го. Во голем сад, измешајте ги доматите, кромидот, фета сирењето, босилекот и зачините. Додадете го јајцето и брашното, па промешајте за да се соединат сите состојки во густа смеса погодна за обликување со лажица. Загрејте малку маслиново масло во тава. Вадете од смесата со лажица и пржете ги ќофтињата од двете страни додека не добијат златна кора. Добар апетит!
