Потребно:
- 1 пакување кори за пита
- 650 гр мелено месо
- 300 гр пченка од конзерва
- 200 гр црвен грав од конзерва
- 1 лажичка чили зачин
- 15 гр сол
- 1 лажичка слатка пиперка
- 100 мл сос од домати
- 100 гр доматен концентрат
- 80 мл масло
- Неколку капки Табаско
И уште:
- Путер
- Масло
Подготовка: Во тава загрејте го маслото и додадете го меленото месо и сите зачини. Се динста десет минути со постојано мешање. Потоа додадете го сосот и концентратот од домати, намалете ја топлината и варете уште 5 минути. Додадете табаско (ако користите), пченка и грав и измешајте. Оставете го филот малку да се излади пред да ги наполните корите. За секоја ролна, користете 2-3 кори за пита. Земете една кора, премачкајте ја со масло, ставете врз неа уште една, ставете фил и свиткајте во ролна, Повторувајте ја постапката додека имате состојки. Секој готов ролат редете го во тава за печење, претходно обложена со хартија за печење. Кога ролатите се готови, ставете да се печат во рерна на 200 степени и печете ги додека не поруменат. Кога ќе бидат готови премачкајте ги со растопен путер додека се уште топли. Добар апетит!
