Потребно:
- 300гр мелено месо
- 1 кромид
- 1 пиперка
- 3 лажици црн грав
- 3 лажици пченка
- 1 домат
- 1 лажица доматно пире
- 1 лажичка сол
- 1/2 лажичка црн бибер
- 6 поголеми тортиљи
- 100гр рендан кашкавал
Подготовка: Кромидот ситно исечкајте го и ставете го да се пропржи. За 5 минути додадете го меленото месо и оставете се заедно да се пржи 5-7 минути. Потоа додадете ја пиперката исечкана на помали коцки. Смесата нека се прижи на средна температура 10 минути. Потоа додадете го доматното пире, промешајте, па додадете го исечканиот излупен домат. Во тавчето ставете ги црниот грав, пченката и зачините. Се убаво измешајте и оставате да испари течноста. Кога ќе биде смесата готова, на секоја тортиља првото ставете малку рендан кашкавал, па од смесата со месото и свиткајте во ролат. По желба, пред сервирање, може да ги потпечете во тавче на рингла.
