Потребно:
- 3 јајца
- 350мл млеко
- 100мл минерална вода
- 1 тиквица (средна големина)
- 50гр растопен путер
- 250гр брашно
- Сол
- Црн пипер
- Пармезан за наросување
Подготовка: Излупете ја тиквичката и изрендајте ја. Малку ставете сол и оставете д аотстои 20 минути, за да пушти вода, а потоа исцедете ја. Изматете ги јајцата, ставете сол и црн пипер. Може да додадете и други зачини по желба. Потоа додадете го брашното, млекото и минералната вода и замешајте смеса за палачинки. Смесата мора да биде малку погуста од онаа што вообичаено да правиме за палачинки. Ако е многу ретка, додадете брашно. На крајот, во смесата ставете ја изренданата тиквица. Палачинките печете ги класично, во тавче. Пред послужување наросете ги со пармезан, а како прилог може да искористите кисело млеко, павлака или друг сос по желба. Добар апетит!
