Потребно:
За три лица
- 9 кришки стар леб
- 2 јајца
- 150мл млеко
- Сол, бибер, оригано, босилек
- 200гр шунка
- 150гр кашкавал
- 50гр моцарела
- Малку кечап
- Малку маслиново масло
Подготовка: Доколку не е исечен, исечете го лебот на кришки. Изматете ги јајцата и млекото и додадете сол и бибер. Тавчето обложете го со хартија за печење. Наредете ги кришките леб и на секоја со лажица распоредете од смесата со јајца и млеко. Овој чекор ќе го омекне лебот одвнатре додека однадвор ќе остане крцкав. Ставете ја шунката и кашкавалот, па ставете кечап и секое парче наросете го со оригано и босилек. Наросете и малку маслиново масло. Печете во претходно загреана рерна на 200 степени, од 10 до 15 минути. Добар апетит!
