Потребно:
За тестото:
- 250 мл кефир
- 160 г брашно
- 1 јајце
- ½ лажичка сол
- ½ лажичка шеќер
- 1 лажичка прашок за печиво
- 1 лажица масло
За филот:
- 160 г кашкавал
- 150 г шунка
- 3 – 4 печурки
- Кромид по вкус
Подготовка: Изматете го јајцето со кефирот, маслото, солта и шеќерот. Додадете го брашното измешано со прашокот за печиво и мешајте додека не добиете мазна течна маса, погуста од тестото за палачинки. Исечкајте ја шунката, кашкавалот, печурките и кромидот. Намастете го плехот за печење (или обложете го со хартија за печење) и истурете го тестото. Рамномерно распоредете го филот врз течното тесто. Печете во претходно загреана рерна на 180°C околу 25-30 минути, додека не добие златно-кафеава боја. Добар апетит!
