РЕЦЕПТ НА ДЕНОТ: Најмек домашен леб со јогурт

Лебот е намирница која често се јаде во земјава и тоа речиси со секој оброк. Наместо да купувате секој ден, пробајте го овој едноставен рецепт со помош на кој ќе го заместие најмекиот леб. Тајната е во јогуртот кој се додава во тестото и не само што лесно се меси, туку и не се чека да нарасне, па одлично е кога брзате и сакате топол и свеж леб.

Потребно:

  • 500 гр брашно
  • 450 мл грчки јогурт
  • 2 јајца
  • 2 лажици прашок за печиво
  • 1 лажичка сол
  • 1 лажичка шеќер

Подготовка: Во сад измешајте ги просеаното брашно, прашокот за печиво, сол, шеќер и прелијте со јогурт. Додадете ги јајцата и добро измешајте. Тестото за леб префрлете го на набрашнета површина, па посипете го со малку брашно и кратко замесете го. Тестото треба да биде малку лепливо. Префрлете го во плех обложен со хартија за печење, па со рака малку израмнете го и исечете го на неколку места. Лебот се пече во загреана рерна на 200°C околу 30 минути. Добар апетит!

ПОВРЗАНИ НАПИСИПОВЕЌЕ ОД АВТОРОТ