Потребно:
- 500мл топло млеко
- Квасец
- 2 лажички шеќер
- Околу 1 кг брашно
- 1 шолја масло
За филот:
- 1 кисела павлака
- 350гр фета сирење
- Сув зачин
За премачкување:
- 1 јајце
- Сусам
- Путер/маргарин
Подготовка: Во топлото млеко растопете го квасецот со шеќерот. Оставете 15 минути да надојде. Потоа додадете малку брашно, па измешајте. Додадете уште малку и пак промешајте. Третиот пат додадете уште малку брашно, маслото и солта. Измешајте, а потоа додадете го и преостанатото брашно и замесете тесто. Проценете колку брашно ви треба, тестото да биде мазно и да не се лепи.
Покријте со кујнска крпа и оставете да отстои 40 минути. Потоа премесете го и поделете го на 5 дела. Секој развлечете го во круг и исечете триаголници. На поширокиот дел ставете од филот (убаво само измешајте ги состојките), завиткајте странично и ролајте. Редете ги кифлите во тавче, премачкајте ги со јајце, наросете сусам и ставете по едно мало парче путер или маргарин одозгора. Печете во загреана рерна на 200 степени, околу 15 минути. Не вадете ги веднаш, туку оставете ги во загрената рерна уште 3-4 минути, маргаринот убаво да се впие.
