Овој рецепт вклучува непобедливо дуо помеѓу вишни и чоколадо, но по желба слободно може да го замените со други опции како суво грозје, јагода, рибизла, боровница.
Потребно:
- 100гр темно чоколадо
- 60гр вишни
- 350гр брашно
- 1 прашок за печиво
- ¼ лажичка сол
- 70гр шеќер
- 170гр млеко
- 100гр путер
- 1 јајце
Подготовка: Ставете ги претходно исцедените вишни и исчеканото чоколадо во сад, потоа додадете го брашното, прашокот за печиво, солта, шеќерот, млекото и путерот од фрижидер исечен на коцки. Путерот полека втријте го во брашното додека смесата не поприми зрнеста структура, но пожелно е да останат поголеми парчиња путер. Се добро измешајте со вилушка внимавајќи тестото да не биде многу компактно. Замесете го тестото со раце на набрашнета површина и развлечете околу два сантиметри дебелина. Со помош на шолја или чаша вадете кругови (може и со нож за тесто да направите триаголници). Ставете ги колачињата во тавче и премачкајте ги со јајце. Печете во загреана рерна на 180 степени, околу 15-20 минути.
