Потребно:
- 4 варени компири
- 4 варени јајца
- 300 гр чадено пилешко филе
- 150 гр краставици (свежи или кисела)
- Малку сирење
- 250 гр печени бадеми
- Мајонез
- Сол
- Црн пипер
- Зачини по желба
Подготовка: За да ја направите новогодишната салата – шишарки, изрендајте ги варените компири на средно ренде и измешајте ги со мајонез. Прилагодете го вкусот со додавање зачини. Со лажица почнете да ставате од смесата на чинија во форма на шишарка. Дебелината на пирето не треба да надминува 1,5 см, во спротивно шишарките ќе бидат преголеми. Исечете го пилешкото филе на мали парчиња. Распоредете го врз компирот во рамномерен слој. Потоа изрендајте ги краставиците на многу ситно ренде. Ставете ги врз филето. Во четвртиот слој од салатата ставете рендани јајца измешани со мајонез. Врз нив посипете рендано свежо сирење. Одозгора забодете ги печените бадеми. Благодарение на нив, салатата ќе наликува на шишарка. Уживајте во новогодишната салата Шишарка! Добар апетит!
