Потребно:
- 2 лажици маслиново масло
- 2 кромида, ситно исечкани
- 1кг тиква, излупена, без семки и исечена на парчиња
- 700мл зеленчуков или пилешки бујон
- 150мл павлака за готвење
Подготовка: Загрејте го маслиново масло во поголемо тенџере, а потоа додадете го исечканиот кромид и пржете го околу пет минути, додека не омекне. Потоа додадете ја тиквата, па продолжете да готвите 8-10 минути, повремено мешајќи додека не омекне и не добие златна боја. Додадете го бујонот, зачинете со сол и црн пипер. Оставете да зоврие, а потоа оставете да динствува 10 минути, додека тиквата не стане многу мека. Ставете ја павлаката за готвење и кога ќе почне да врие повторно, се заедно измиксирајте со рачен миксер. За дополнително кремаста супа, можете да ја процедите низ сито. Добар апетит!
