Потребно:
- 2 јајца
- 150гр омекнат путер
- 200гр шеќер
- 1 ванилин шеќер
- 125гр брашно
- Сол
- 1 лажичка прашок за печиво
- 100гр густин
- 2 лимона
- 100гр кисела павлака или кисело млеко
Подготовка: Одвојте ги жочлите од белките. Брашното со густинот и прашокот за печиво, просејте ги. Лимонит убаво измијте ги, изрендајте ја кората и исцедете го сокот. Кората може и не мора да ја користите. Изматете ги белките во цврст шам со додавање на малку сол. Во сад за мешање, ставете го омекнатиот путер, шеќерот, ванилиниот шеќер и изматете во густа пенеста смеса. Додадете ги жолчките. Кога жолчките ќе се спојат со смесата од путерот и шеќерот, додадете го киселото млеко, лимоновиот сок и брашното. Мешајте додека не се создаде густа смеса. На крајот со лопатка полека мешајќите додавајте го шамот од белки. Добиената смеса ставете ја во намастен калап и печете на 180 степени, околу 50 минути. Готовиот колач извадете го од рерна и оставете го неколку минути да се олади во калапот, а потоа извадете го на решетка и оставете да се олади целосно. Оладениот колач наросете го со шеќер во прав. Добар апетит!
