Потребно:
- 150гр шери домати
- 75гр црни маслинки без семка, исцедени и преполовени
- 2 лажици маслиново масло
- 159гр фета сирење, иситнето на мали парчиња
Подготовка: Шери доматите, маслинките и маслото ставете ги во сад и се заедно убаво измешајте, а потоа полека измешајте го и фета сирењето и зачинете по желба. Совет за уште подобар вкус: преполовете ги шери доматите, ставете ги во тавче за печење на кое сте ставиле хартија за печење. Потоа посолете ги и ставете им црн бибер и малку маслиново масло и печете ги користејќи вентилатор на 75 степени, околу шест часа. Знаеме дека изгледа како многу време, но така ќе добиете од популарните “сончеви“ шери домати. Вака подготвената салата, ако правилно ја покриете, може да стои во фрижидер и два дена. Добар апетит!
