Потребно:
- 4 парчиња пилешко бело месо
- 1 лажица масло
- 1 лажичка сол
- 125 гр исечкани шери домати
- 30 мл балсамико оцет
- 2 чешниња лук, ситно исчекани
- Моцарела сирење, 4 топчиња
- 30 гр листови свеж босилек, тенко исечени
Подготовка: За пилешкото бело месо со моцарела, загрејте ја рерната на 200º. Загрејте го маслото во тава на средна топлина. Зачинете ги пилешките гради со ½ лажичка сол. Ставете го пилешкото во тавата. Пржете 2 до 3 минути од секоја страна или додека не порумени. Во меѓувреме прелијте ги шери доматите со оцетот, лукот и преостанатата сол. Истурете го во тавата врз пилешкото бело месо, па префрлете ја тавата во рерна. Печете 15 минути или додека пилешкото не се запече. Над секое парче пилешко ставете парче моцарела. Печете уште 10 минути или додека моцарелата не се растопи. Пред сервирање, одозгора посипете босилек. Добар апетит!
