Потребно:
За тестото:
- 3 јајца
- 1 чаша шеќер
- 1 чаша млеко
- 1 чаша масло
- 2 чаши брашно
- 1 прашок за печиво
За филот:
- 1 кг јаболка
- 3 лажици шеќер
- 1 лажичка цимет
- 5 лажици гриз
- Шеќер во прав за наросување
Подготовка: Излупените и исчистени јаболка изрендајте ги. Ставете ги во тенџере, додадете шеќер и цимет и динствувајте ги околу 15 минути. Кога јаболката ќе пуштат сок, додадете гриз. Се трга на страна да се излади. Изматете ги јајцата и шеќерот во пенеста смеса, додадете масло и млеко, кратко измешајте и потоа додадете
брашно и прашок за пециво и соединете ги сите состојки. Половина од смесата за тесто истурете ја во намрсено и набрашнето тавче и печете во загреана рерна на 180 степени 10 минути. Извадете го тавчето од рерна, додадете ја смесата со јаболката и прелијте ја со остатокот од смесата за тесто. Тавчето вратете го во рерна и печете го колачот 35 минути. Оставете го да се излади, а пред сервирање наросете го со шеќер во прав. Добар апетит!
