Потребно:
- 200 мл топло млеко
- 1 кесичка квасец
- 1 лажица шеќер
- 60 мл масло
- Прстофат сол
- 420 гр брашно
- 120 гр кашкавал
- 1 црвена пиперка
- 1 зелена пиперка
- 150 гр шунка
- Маслинки
- 1 јајце за премачкување
Подготовка: Растворете го квасецот и шеќерот во топло млеко. Оставете да се запени 5-10 минути. Додадете масло, посолете и постепено измешајте го брашното додека не добиете меко тесто. Покријте и оставете да нарасне околу 40 минути. Расукајте го тестото во правоаголник на малку набрашнета површина. Посипете со рендан кашкавал, додадете ситно сечкана пиперка, маслинки и шунка. Завртете го тестото во ролат, па исечете го на полжавчиња со дебелина од околу 2 см. Ставете ги на плех обложен со хартија за печење и премачкајте ги со изматено јајце. Печете во загреана рерна на 180°C околу 20-25 минути додека не поруменат. Добар апетит!
