Потребно:
- 500 гр мелено месо (говедско или мешано)
- 1 голем кромид (ситно сечкан)
- 2 чешниња лук
- Сол
- Црн пипер
- 1 лажичка мелена црвена пиперка
- Малку магдонос
- 2 лажици вода или минерална вода
Подготовка: Измешајте го месото, ситно сечканиот кромид и лукот во голем сад, а потоа додадете ги зачините и магдоносот. На крајот додадете малку вода, што ќе ѝ даде на смесата дополнителна сочност и ќе ја направи совршено мека. Потоа добро измешајте ја смесата со раце за да се соединат сите состојки, а потоа обликувајте плескавици со посакувана големина. Пржете ги во тава со малку масло додека не добијат убава златно-кафеава боја. Најважно е да ја оставите смесата да отстои најмалку 15-20 минути пред пржење, бидејќи на овој начин кромидот ќе ги пушти своите сокови, а месото ќе ги апсорбира сите вкусови. Плескавиците се идеални за сервирање со свежа салата, салата од компири, пире од компири и спанаќ или друг сличен зеленчук. Добар апетит!
