Потребно:
- 1 кромид
- 4 чешниња лук
- 200гр овесни снегулки
- 1 кесичка супа (било каква, а ако немате може и сув зачин и сол по вкус)
- 50мл масло
- 1 лажица мелен црвен пипер
- Бибер
- Околу 300 мл вода
- 1-2 лажици презла
- 2 јајца
Подготовка: На масло пропржете го кромидот, па додадете го лукот. Додадете ја супата од кеса растворена во 300мл вода, измешајте и додадете ги овесните снегулки. Убаво мешајте, па додадете малку бибер и црвениот пипер. Доколку е многу ретка смесата, додадете 1-2 лажици презла. Исечкајте и малку магдонос и додадете го. Оставете смесата да се олади. Намастете ги рацете и ставете ги во презла. Од оладената смеса формирајте прво топчиња, па потоа плескавица. Презлата на рацете ви служи за смесата да не се лепи. Од оваа количина ќе добиете 10 плескавици. Ставете хартија за печење во тавата и наредете ги плескавиците. Печете на 250 степени, околу 10 минути. Кога ќе поруменат, свртете ги на другата страна уште 2-3 минути. Однадвор ќе бидат крцкави, а внатре меки.
