Потребно:
- 1 кг брашно
- 1 свеж квасец
- 400 мл млеко
- 400 мл масло
- 1 лажичка шеќер
- 1 лажица сол
- 500 г чварки
И уште:
- 1 јајце
Подготовка: Измешајте го квасецот со малку млеко и шеќер и оставете да се активира. Кога квасецот ќе се активира, замесете го тестото со брашното, преостанатото млеко, маслото и солта. Оставете да се дуплира околу половина час. Додека тестото нараснува, исечкајте ги на поситно чварките. Развлечете го тестото и распоредете ја првата третина од чварките врз него, превиткајте го, развлечете го повторно и распоредете ја втората третина. Повторете уште еднаш и оставете го тестото да отстои уште половина час. Исечете ги погачиците со чаша или калап и наредете ги на плех за печење. Премачкајте ги со јајце и печете околу 20 минути на 180 степени. Добар апетит!
