РЕЦЕПТ НА ДЕНОТ: Похувани тиквички кои не се пржат во масло

Сезоната на тиквички започна, а од овој зеленчук можете да направите некои од највкусните јадења. Доколку не сакате да ги полните, да правите потаж или слично јадење, ви предлагаме едноставен рецепт. Похувајте ги тиквичките и тоа без пржење. Се печат во рерна околу 15 минути, а вака подготвените тиквички се исто толку вкусни како и пржените во масло.

Потребно: 

  • 4 средни тиквички
  • 150 гр пармезан сирење
  • 150 гр презла
  • 1 лажичка оригано
  • Свеж босилек

Подготовка: Тиквичките исечкајте ги по желба, па посолете ги и оставете ги 15 минути за да пуштат вода. Потоа процедете ги и избришете ги со крпа. Измешајте ги пармезанот, презлата, ориганото и исечканиот босилек. Сè убаво измешајте, па во смесата валкајте ги тиквичките кои претходно сте ги намастиле со зејтин. редете ги тиквичките  во тавче обложено со хартија за печење и печете ги во загреана рерна на 200°C околу 15 минути. Добар апетит!

ПОВРЗАНИ НАПИСИПОВЕЌЕ ОД АВТОРОТ