Потребно:
- 200гр мелен мак
- 120гр шеќер
- 100мл млеко
- Рендана кора од половина лимон
За тестото:
- 375гр брашно
- 1 лажичка прашок за печиво
- 150гр путер
- 1 јајце
- 60гр шеќер во прав
- Сок и кора од половина лимон
- 75мл млеко на собна температура
Подготовка: Во тенџере ставете го млекото и додадете го шеќерот, па оставете да зоврие. Тргнете го од оган и измешајте го макот и кората од половина лимон. Оставете да се излади. Во сад измешајте ги брашното и прашокот за печиво, па додадете го шеќерот во прав и путерот. Добро измешајте ги состојките, па додадете го јајцето, кората и сокот од половина лимон. Полека додавајте го млекото. Месете додека не добиете мазно, нелепливо тесто. Поделете го на три еднакви делови и формирајте топчиња. Од топчињата формирајте круг со дијаметар од 15 см, тестото завиткајте го во пластична фолија и оставете го да се излади еден час. На набрашнета работна површина развлечете го тестото со дебелина од 2 мм. Премачкајте со третина од макот до 1 сантиметар од работ и исечете го на 16 триаголници. Изролајте ги кифличките. Печете во обложен плех на 180 степени околу 20 минути. Оладете ги и извалкајте ги во шеќер во прав. Добар апетит!
