Потребно:
- 8 пиперки
- 300гр телешко месо
- 1 поголем кромид
- 2 чешниња лук
- 150гр ориз
- 4 лажици маслиново масло
- 100гр кашкавал
- 1 лажичка мелен црвен пипер
- Сол
- Црн пипер
- Свеж магдонос
Подготовка: Сварете го оризот во солена вода, исцедете го и оставете го на страна. На пиперките исечете им ги врвовите, исчистете ги и исечените врвови исечкајте ги на коцки. На загреано масло додадете го исечканиот кромид, месото на коцки и исечканите пиперки. Посолете, додадете црн пипер и гответе на средна температура, додека месото и кромидот не добијат боја. Додадете го лукчето, мелениот црвен пипер и кратко пропржете. Тргнете го од оган, додадете го сварениот ориз и убаво измешајте. Со добиената смеса наполнете ги пиперките и наросете ги со изренданиот кашкавал. Ставете ги во огноотпорен сад, покријте со алуминиумска фолија и печете ги 40-50 минути во загреана рерна на 200 степени. Кога ќе бидат готови, наросете со свеж исечкан магдонос. Добар апетит!
