Потребно:
- 400гр брашно
- 200мл газирана вода
- 3 супени лажици растително масло
- Сол по вкус
За полнење:
- 1 пиперка
- Шери домати
- ½ кромид
- Неколку феферони
- 4 лажици растително масло
- 4 чешниња лук
- Оригано
- Бибер
- Чили по желба
Подготовка: Посното тесто за пица без квасец има поинаков вкус од класичното, но генерално е многу вкусно. Но, одговара на основните потреби за тесто за пица – прави крцкави меурчиња и овозможува да направите тенка пица. Сите состојки за тестото соединете ги и од нив замесете мазно тесто. Ако е потребно, додадете уште малку брашно. Ставете го тестото во проѕирна фолија и оставете го да се одмори околу половина час. Додека тестото одмора, исечкајте ја пиперката, шери доматите и кромидот на тенки кругови. Маринирајте ги во мала количина масло. Лукот поминете го низ преса, па ставете го во малку масло и со таа смеса премачкајте го тестото. Најдобро е тестото да го развлечете на хартија за печење, лесно завиткајте ги краевите. На намастеното тесто наросете оригано и морска сол по желба. Останатите состојки наредете ги одозгора и ставете го тавчето во загреана рерна на 250 степени.
