Потребно:
- 600гр тиквици
- 50гр путер
- 12 листови лазањи
- 100гр горгонзола
- 50гр моцарела
- 50гр пармезан
- Сол и бибер
За бешамелот:
- 50гр путер
- 50гр брашно
- 1л млеко
- ½ лажичка мелен ѓумбир
- ¼ лажиче мускантно оревче
- Сол и бибер
Подготовка: Измијте ги тиквиците, па исечете ги по должина на тенки листови. Пропржете ги на путер, зачинете со сол и бибер и тргнете ги од оган. Лазањите оставете ги да се варат во солена вода (2-3минути), во која сте ставиле неколку капки зејтин, за да не се залепат. Може да користите и лазањи кои не се варат. Бешамелот подгответе го така што на путер ќе го пропржите брашното, а потоа постепено додавајте млеко, постојано мешајќи додека да ја добиете соодветната густина. Додадете ги останатите зачини.
На дното од огноотпорниот сад ставете малку бешамел, наредете еден ред лазањи, прелијте ги бешамел, па наредете тиквици, рендана моцарела и парчиња од горгонзола. Врз нив ставете повторно листови лазањи и повторете ја постапката, така што врз последниот ред лазањи ставете бешамел сос и од трите вида сирења. Печете околу 25 минути во загреана рерна на 220 степени.
