Потребно:
- 1кг свинско филе
- 1 кафена лажичка свеж рендан ѓумбир
- 4 чешниња лук
- 3 супени лажици соја сос
- 1 лажичка чили сос
- 1 лажица ворчестер сос
- 2 лажици маслиново масло
- 2 лажички кафеав шеќер
- Сол
- Црн пипер
Подготовка: Ставете го месото во маринадата што сте ја подготвиле со мешање на сите горенаведени состојки. Покријте го со проѕирна фолија и оставете го во фрижидер најмалку осум часа. Но, не заборавајте повремено да го вртите месото во садот, за да може да впие од маринадата на сите страни. Загрејте ја рерната на 200 степени. На умерен оган ставете подлабоко тавче со многу малку маслиново масло да се загрее. Извадете го месото од маринадата (сочувајте ја) и ставете го во тавчето да се запржи од сите страни (околу 5-6 минути, колку да ја смени бојата). Ставете го месото во тава намачкана со масло и печете го во загреаната рерна околу 20-25 минути (или повеќе ако сакате попечено). Кога ќе биде готово, оставете го да стои 5-10 минути во тавчето пред да го исечете. Преостаната маринада ставете ја во тенџерче над оган да зоврие. Кога ќе зоврие, намалете ја температурата на тивко и варете со повремено мешање уште 5-6 минути. Исечете го месото на парчиња дебели околу 1,5 см и посипете го со сосот одозгора. Добар апетит!
