Потребно:
- 250 мл млеко
- 1 јајце
- 7 гр инстант квасец
- 400 гр брашно
- 50 гр шеќер
- 1 лажичка сол
- 55 гр путер
Подготовка: Ставете го млекото во сад, потоа додадете го јајцето и квасецот и добро измешајте сè. Потоа додадете го брашното, шеќерот и солта и продолжете да мешате додека тестото не стане компактно. Тестото покријте го со крпа и оставете да отстои 20 минути. Потоа, додадете го растопениот путер и повторно измешајте. Тестото префрлете го на набрашнета површина и месете додека не стане мазно. Обликувајте го во топка, и ставете го во намастен сад, покријте го и оставете да нарасне еден час. По поминатото време, повторно премесете го тестото, пак формирајте топка и расукајте ја со сукало. Исечете на 16 триаголни делови. На секој од нив ставете малку солен путер и свиткајте во кифличка. Ставете ги на плех за печење, покријт ги и оставете да нараснат уште 30 минути. Потоа, премачкајте ги со изматено јајце измешано со две лажици млеко. Печете ги во претходно загреана рерна на 180 степени околу 20 минути. По печењето, сè уште топлите кифлички, премачкаје ги со солен путер. Добар апетит!
