Потребно:
За 6 лица
- 2 лажици маслиново масло
- 1 кромид
- 2 чешниња лук
- 200гр сладок компир
- 300 гр ориз за рижото
- 750мл пилешки или зеленчуков бујон
- Црн пипер
- Пармезан
Подготовка: Во поголемо тенџере загрејте масло, додадете го ситно исечканиот кромид и лук и динствувајте на тивок оган додека не омекне кромидот. Додадете го исечканиот на коцки сладок компир и ориз и мешајте уште 1-2 минути. Додадете една црпалка од бујонот и оставете да се вари на средна температура, повремено мешајќи додека не испари целата течност, а потоа додадете уште една црпалка. На овој начин продолжете со варење на рижотото со постојано мешање, додавајќи од бујонот, додека оризот не стане кремаст и мек. Ова треба да трае околу 20 до 25 минути. Тргнете го садот од оган, измешајте и додадете малку црн пипер. Темелно измешајте, посипете со рендан пармезан и послужете. Добар апетит!
