Потребно:
- 500 гр моркови
- 3 јајца
- 120 гр сирење
- 130 гр крем сирење
- 3-4 лажици мајонез
- 50 гр млад кромид
- Копар
- 50 гр путер
Подготовка: Во тавче ставете го путерот и малку масло, а потоа додадете ги морковите што претходно сте ги изрендале. Пропржете го морковот и ставете го во сад да се излади. Ако видите дека има вишок масло, процедете го, па додадете ситно сечкан копар. Потоа додадете ја жолчката, сол и бибер. Убаво соединете, а на крајот додадете ги белките кои сте ги изматиле во цврст снег и полека измешајте. Истурете го тестото во тавче обложен со хартија за печење, а потоа израмнете го. Печете во загреана рерна на 180°C околу 15 минути. Во сад измешајте го ренданото сирење, исечканиот кромид, мајонезот, крем сирењето и зачинете по желба. Добро соединете. Префрлете ја кората на проѕирна фолија и извадете ја хартијата за печење. Премачкајте со добиениот фил, па завиткајте во ролат во проѕирна фолија. Оставете го ролатот да се излади преку ноќ во фрижидер. Добар апетит!
