Потребно:
- 4 големи телешки шницли
- 1 кромид
- 3 чешниња лук
- 450гр домати пелати (од конзерва)
- 250мл вино
- Малку шеќер
- 3 лажици свеж магдонос
- 2 лажички оригано
- 2 лажички црвена мелена пиперка
- 1 говедска коцка за супа
- Сол
- Црн бибер
- Неколку лажици масло за јадење
Подготовка: Шницлите малку истолчете ги. Потоа посолете ги, ставете им црн бибер и пржете ги од двете страни да добијат убава боја. Во садот во кој сте ги пржеле шницлите, додадете ако е потребно уште малку масло, а потоа ставете го исечканиот кромид, половина од магдоносот и пржете околу 4-5 минути. Пред крајот на пржењето додадете го лукот, потоа виното и се заедно динствувајте околу пет минути, за виното да испари. Измешајте ги сите останати состојки, освен магдоносот, додадете околу 700мл вода и оставете да се динствува 30-50 минути, додека месото не омекне. Се зависи од дебелината на шницлите. Треба да испрат две третини од течноста, за сосот да се згусне. Пред самиот крај додадете го преостантиот магдонос. Кога ќе бидат готови, оставете ги малку да одморат, 15 минути, пред да ги сервирате. Послужете ги со варен ориз или пире. Добар апетит!
