Потребно:
- 1кг портокали
- 1 1/2 кг шеќер
- 500мл вода
- Сок од 1/2 лимон
- 1 кесичка ванилин шеќер
Подготовка: Портокалите добро измијте ги, ставете ги во поголемо тенџере и налејте ги со вода, па варете ги околу 30 минути додека омекнат. Потоа префрлете ги во друг подлабок сад, прелијте ги со ладна вода и оставете ги да отстојат 48 часа. За тој период, околу 10 пати променете им ја водата во која стојат за да се изгуби горчината на кората. Дента кога ќе го варите слаткото, прво во поголемо тенџере ставете го шеќерот со половина литар вода и варете го на тивок оган додека зоврие и не се направи како сируп. Портокалите исечете ги на кришки заедно со кората и спуштете ги во сирупот. Откако слаткото повторно ќе зоврие варете го уште 5 минути на средна температура. Тргнете го од оган, покријте го со капак и оставете го да стои на собна температура 24 часа. Следниот ден повторно ставете го слаткото да зоврие, додајте го сокот од половина лимон и ванилиниот шеќер и варете го на средна температура додека сирупот не стане густ, а кришките портокал станат проѕирни. Ако се појави пена, отстранете ја. Покријте го тенџерето со влажна крпа и оставете го да отстои до следниот ден. Потоа соберете го во чисти тегли и затворете ги со капак. Добар апетит!
