Потребно:
- 1 кг сливи
- 800 гр шеќер
- 1 лимон
- 1 лимонтус
- 250 гр вар
- 30 ореви
- 4 литри вода + 1 чаша
Подготовка: Во садот истурете вар и 2 литри вода, убаво измешајте, па додадете уште 2 литри. Повторно добро измешајте, па оставете варта да слегне,а водата да се разбистри. Со црпалка варовата вода ставете ја во сад, но внимавајте да не зафатите вар. Додадете ги сливите во садот и оставете ги еден час. После тоа, извадете ги сливите од водата, ставете ги во цедалка и измијте ги неколку пати. Од сливите извадете ги семките и додадете четвртина орев на таа празнина. Во тенџере ставете една чаша вода и додадете го шеќерот, па варете додека не добиете густ сируп. Кон крајот на готвењето додадете го лимонот што сте го исечкале на кругови. Додадете ги сливите во готовиот сируп и продолжете со готвењето уште 25 минути. На околу 5 минути пред крајот додадете го лимонтусот кој сте го измешале со малку вода. Тргнете го слаткото од шпоретот, извадете ја пената и покријте со крпа. Оставете да отстои околу 10-12 часа, а потоа распоредете во стерилизирани тегли. Добар апетит!
