Потребно:
За кората:
- 8 белки
- 1 лажичка сол
- 5 лажици брашно
- 2 лажици мак (немелен)
- ½ кесичка прашок за печиво
За филот:
- 200гр крем сирење за мачкање
- 150гр шунка (може и друго сувомеснато по желба)
- 5 кисели краставички
Подготовка: Во белките додадете ја солта и изматете ги во цврста пена. Додадете ги сите останати состојки за кората и полека со лажица мешајте, но внимавајте да не ви падне шамот. Смесата истурете ја во тавче (димензии 25х38) обложено со хартија за печење и печете на 180 степени, додека благо не зарумени. Внимавајте да не ја препечете, треба да остане речиси сосема бела. Печената кора веднаш, додека е жешка, заедно со хартијата за печење префрлете ја на кујнска крпа, потоа тргнете ја хартијата, а кората, заедно со крпата замотајте ја и оставете да се олади. Изладената кора одмотајте ја и премачкајте ја со крем сирењето во кое сте ги измешале изренданата шунка и ситно исечканите краставички. Потоа, полека со нежен притисок, замотајте ја кората во ролат. Завиткајте го во фолија и чувајте го во фрижидер до послужување. Добар апетит!
