Потребно:
- 3 јајца
- 100 гр кашкавал
- 190 гр туна
- 2 лажици мајонез
- Маслинки
Подготовка: Сварете ги јајцата, а потоа одвојте ги белките од жолчките. Изрендајте ги жолчките и тргнете ги на страна. Тие служат за декорација. Кашкавалот и белките малку исечкајте ги. Во блендер ставете ги белките, кашкавалот, процедената туна и мајонезот. Сè убаво изблендирајте за да добиете еднолична смеса. Добиената смеса намачкајте ја на алуминиумска фолија, па на работ наредете ги маслинките. Маслинките треба да бидат без семки. Потоа завиткајте во ролат и ставете го во фрижидер еден час да се стегне. Украсете со жолчки и сечкан магдонос (по желба). Добар апетит!
