Потребно:
- 1 голема зелка
- 1 јајце
- 400-450 гр мелено месо
- 1 кромид
- 1 морков
- 1/2 лажичка зачини за месо
- 100 гр ориз
- 2 лажички доматно пире
- 4 супени лажици вода
Подготовка: Накратко избланширајте неколку поголеми листови зелка, а остатокот изрендајте го. Сварете го оризот, па процедете го. На малку масло во тавче пропржете го ситно сечканиот кромид, а кога ќе омекне додадете го изренданиот морков. Добиената смеса додадете ја во меленото месо, а потоа додадете ги јајцето, солта, биберот, зачините за месото, сечканата зелка и оризот. Сè добро соединете. Намачкајте ја тавата со масло, па наредете ги листовите зелка така да излегуваат однадвор, но и да го покриваат дното. Сипете ја смесата со месото, израмнете ја и затворете ја со листовите што штрчат од тавата, но може и со цели листови што останале. Измешајте го доматното пире со вода и прелијте ја солената торта. Покријте и динствувајте 10 минути, а потоа додадете 200 мл вода и повторно поклопете, па варете уште 40 минути. Сарма солената торта е подготвена. Добар апетит!
