Потребно:
- 1 пакување тост леб (околу 12 до 15 кришки)
- 200гр ајвар
- 200гр туна
- 1 лажица сенф
- 1 лажица посен мајонез
- 3-4 кисели краставички
- Сол
- Бибер
Подготовка: Кога ќе избирате тост леб, изберете од оној сечен на парчиња. За филот е потребно ајварот да го измешате со туната, која претходно ќе ја исцедите. Додадете ги сенфот и мајонезот и се заедно убаво измешајте. Додадете ги сечканите краставички и се добро соединете со зачините. На соодветен послужавник наредете еден ред од тост лебот, врз него внимателно премачкајте од филот. Редете така од лебот и филот, додека не ви потрошат намирниците. Солената торта може да ја украсите со посен мајонез и зеленчук по ваш избор. Најдобро е да се остави да отстои во фрижидер преку ноќ, за лебот убаво да впие и тортата да омекне како што треба.
