Потребно:
- 2-3 јајца
- 30 мл масло
- 125 мл млеко
- 125 гр кисела павлака
- 225 гр брашно
- 1 прашок за печиво
- 1 лажичка сол
- 50 гр рендан кашкавал/сирење
Подготовка: Прво изрендајте го кашкавалот или сирењето и оставете го на страна. Во голем сад за матење изматете ги јајцата, маслото, млекото и павлаката додека не се изедначи. Просејте ги брашното, прашокот за печиво и солта и мешајте додека да нема грутчиња. Додадете го ренданото сирење/кашкавал и измешајте го во тестото. Треба да биде рамномерно распореден. Загрејте ја тавата на силен оган и малку намачкајте ја со масло или путер. Истурете малку тесто за палачинки и оставете да се пржи околу 2 минути. Превртете ја палачинката и оставете ја да се пржи уште 2 минути или додека не порумени. Повторете додека не ги испржите сите палачинки. Додадете преливи и додатоци по ваш избор и јадете ги додека се топли. Добар апетит!
