Потребно:
За тестото:
- 400 гр брашно
- Сол
- 110 мл млака вода
- 110 мл млеко
- 20 мл масло
- 20 гр свеж квасец
За полнење:
- Сланина, шунка или колбаси (по избор)
Подготовка: Свежиот квасец растворете го во вода и млеко, па со оваа смеса и другите состојки замесете тесто и оставете го да отстои околу половина час. Расукајте го тестото, малку подмачкајте го и со чаша обликувајте кругови. За секоја роза ќе ви требаат четири кругови. Сланината, шунката или колбасот исечкајте ги на мали парчиња, а потоа на секој круг ставете по неколку коцки сланина, а потоа наредете ги круговите една врз друга, до половина нагоре. Кога ќе наредите четири кругови еден врз друг, завиткајте ги, пресечете ги на половина и розите ставете ги во калап за мафини. Покријте и оставете ги да отстојат околу половина час. Розите премачкајте ги со вода, посипете ги со малку сол и печете ги на 200 степени 20 до 25 минути. Врелите рози премачкајте ги со масло. Добар апетит!
