РЕЦЕПТ НА ДЕНОТ: Стапчиња од компири

Компирот е зеленчук кој многумина го сакаат и од кој можете да подготвите некои од највкусните јадења. Денеска ви предлагаме да направите совршени грицки кои можете да ги послужите и за вечера, а тоа се стапчиња од пире од компири. Во комбинација со пармезан едноставно се неодоливи, а нивната подготовка воопшто не е комплицирана.

Потребно:

  • 750 гр компири
  • 1 јајце
  • 50 гр пармезан 
  • 1 китка магдонос
  • 2 лажици пченкарен скроб

Подготовка: Исечкајте ги и сварете ги компирите, па процедете и направете пире. Во пирето додајте сечкан магдонос, пармезан, јајце, па посолете и побиберете. Измешајте и додадете скроб, па повторно соединете. Земете парче од смесата и обликувајте издолжен мини ролат и редете ги на тавче обложено со хартија за печење и премачкан со масло. Секое стапче премачкајте го со масло и печете во загреана рерна на 200°C околу 30 минути. Добар апетит!

ПОВРЗАНИ НАПИСИПОВЕЌЕ ОД АВТОРОТ