Потребно:
- 1 кг кисела зелка
- 800 гр месо по избор (свинско, говедско, пилешко…)
- 1 лажичка мелена пиперка
- 100 гр моркови
- 100 гр кромид
- 2 чешниња лук
- 3 ловорови листови
- 2 лажици маст
- 100 мл масло
Подготовка: Месото кое претходно сте го исечкале на коцки лесно испржете го на масло и зачинете го по желба. Кога месото ќе се испече, извадете го од тавата и оставете го на страна. Во преостанатата маснотија пропржете го сечканиот кромид, лукот и морковот. Зачинете, додадете го ловоровиот лист, а потоа и сечканата кисела зелка. Додадете мелена пиперка и други зачини по ваш избор, потоа додадете ја маста и сè добро измешајте. Налејте малку вода, додадете го печеното месо и оставете ги состојките да се соединат. Вака подготвениот подварок префрлете го во сад за печење и печете во рерна најмалку два часа на 150 степени. Половина час пред крај зголемете ја температурата на 180 степени и оставете да се запече. Добар апетит!
