Потребно:
За кората:
- 200гр брашно од спелта
- 100гр кокосов шеќер
- 150гр ладен путер
- Една-две лажици студена вода
- Ситно сечкани ореви, по желба
- Прстофат сол
- Цимет
За филот:
- 4 средни јаболки
- 50гр кокосов шеќер
- 1 мала лажичка цимет
- 1 ванилин шеќер
- 1 лажица чиа семе
Подготовка: За кората се мати кокосовиот шеќер со путерот. Постепено се додава брашното, претходно измешано со солта и циметот. Потоа се додава и водата. Тестото се витка во пластична фолија и се остава да отстои во фрижидер половина час. По вадење од фрижидер, се развлекува во кора која се става во подмачкан калап за тарт. По желба, врз кората се ставаат сечканите ореви и малку се притискаат во тестото. Се пече во загреана рерна на 180 степени, 20-25 минути. За подготовка на филот јаболките се лупат, се сечкаат и се динствуваат на малку вода. Се додава кокосовиот шеќер, циметот и ванилата. Кога јаболките ќе омекнат се тргаат од оган и кратко се блендираат со стап миксер. Потоа се додава чиа семето и се остава малку да отстои, околу 15 минути. Преку испечената и оладена кора се додава филот. Како декорација може да се стават претходно бланширани две јаболки, исечени на кругови кои се редат врз филот. Десертот се враќа во рерна на 250 степени, кратко да се запече.
