Потребно:
- 4 јајца
- 1 лажичка сол
- 500 г брашно
- 300 мл млеко
- 100 мл масло
- 100 г фета сирење
- 80 г кашкавал
- 2 средни домати
- 2 средни компири
- 1 блага пиперка
- 1 китка магдонос
- 2 лажички прашок за печиво
Подготовка: Излупете ги и изрендајте ги компирите. Ситно исечкајте ги доматите и пиперката, иситнете го и магдоносот. Изматете ги јајцата со солта. Додадете млеко и масло, а потоа постепено додавајте го брашното измешано со прашок за печиво. Додадете го ренданиот компир, сечканите домати, пиперката и магдонос во смесата. Додадете го издробеното фета сирење и ренданиот кашкавал. Добро измешајте сè за да рамномерно се распоредат состојките. Сипете ја смесата во намастен и набрашнет плех или обложен со хартија за печење. Израмнете и печете во претходно загреана рерна на 180°C околу 35-45 минути, додека не порумени. Добар апетит!
