Потребно:
- 1 пакување кори за турски бурек (во форма на триаголници)
- 300гр мелено месо
- 1 кромид
- Сув зачин
- Масло за јадење
Подготовка: Меленото месо се пржи со исечканиот кромид, додека убаво не се испржи, односно не ја смени бојата. По желба може да се додаде сув зачин или некои други свежи зачини, чии вкус го сакате. Потоа, се зема една кора. На долниот дел од триаголникот, по должина се става една лажичка од месото. Кората се витка како цигара, а кога ќе стигнете малку пред крајот врвот од триаголникот го натопувате вовода за да може да се залепи за ролничката. Се редат во тавче обложено со хартија за печење. Секоја ролничка убаво се премачкува со масло за јадење и се ставаат да се печат во претходно загреана рерна на 200 степени, околу 20 минути, односно додека не заруменат. На половина од печењето, ако сакате да бидат покрцкави, може и да ги завртите, за да се испечат од сите страни.
