Потребно:
- 4 црвени пиперки
- 240 гр ореви
- 1 главица кромид, многу ситно сечкана
- 3 чешниња лук
- ½ лажичка ким
- 2 лажици сок (балсамико) од калинка
- 2 супени лажици сок од лимон
- 120 гр презла
- 1 лажичка кафеав шеќер
- 4 лажици маслиново масло
- Сол и црн пипер по вкус
Подготовка: За да го направите овој намаз, прво загрејте ја рерната на 200 C. Ставете ги пиперките на плех и печете 40 минути. Извадете ги пиперките од рерна и ставете ги во сад покриен со капак 10 минути. Излупете ја лушпата, извадете ги семките и фрлете ја целата течност. Ставете ги оревите во таваче и печете ги на средна топлина, повремено мешајќи, 5 минути. Префрлете ги во чинија. Во истото тавче загрејте 2 лажици маслиново масло. Додадете го кромидот и пржете 4 минути. Додадете го лукот и пржете уште 1 минута. Ако во кое било време кромидот почне да се лепи за тавата, можете да додадете уште една лажица масло. Во блендер ставете ги пиперките, тостираните ореви, кимот, сокот од калинка и лимон, презлата, шеќерот, пржениот кромид, лукот и преостанатите 2 лажици маслиново масло. Зачинете со ½ лажичка сол и мешајте додека смесата не стане мазна. Вкусете го зачинот и додадете повеќе сол или бибер ако сакате. Послужете со малку тортиља чипс, крекери или со друго јадење по желба. Добар апетит!
