РЕЦЕПТ НА ДЕНОТ: Валдорф салата како одличен предлог за летен ручек

Салатата Валдорф првпат била направена во познатиот хотел Валдорф Асторија во Њујорк. Оригиналниот рецепт, создаден во 1800-тите, содржел само јаболка, целер и мајонез. Подоцна, познатата салата била збогатена со дополнителни состојки кои само ја направиле повкусна. Американците не можат да замислат ниту еден празник без ова јадење, а ние ви го пренесуваме најдобриот рецепт. Вака подготвената салата е одличен предлог за лесен летен ручек.

Потребно:

  • 3 супени лажици грчки јогурт
  • 3 лажици мајонез
  • 1 лажица сок од лимон
  • 1 лажица мед
  • 2 зелени јаболка
  • 2 стапчиња целер
  • 1 чаша грозје
  • 1 чаша цели ореви
  • 2 лажици ситно сечкан магдонос

Подготовка: Во сад измешајте ги јогуртот и мајонезот, па соединете. Додадете го сокот од лимон и мед и повторно измешајте. Во сад за салата ставете ги грозјето, ситно сечканото јаболко и целерот. Додадете ги пропржените ореви, сечканиот магдонос и сол. Прелијте со мајонез и јогурт и сè убаво измешајте. Добар апетит!

ПОВРЗАНИ НАПИСИПОВЕЌЕ ОД АВТОРОТ