Потребно:
- 500гр смрзнати брикети спанаќ
- 1 кромид
- 2 чешниња лук
- Малку мускатно оревче
- 1 лажиче оригано
- 3 лажици крем сирење
И уште:
- 50гр овесни снегулки
- 50гр брашно
- 50гр кашкавал
- 50гр путер
Подготовка: Во загреано тавче на малку масло пропржете го тенко исечканиот лук со ориганото и мускатното оревче. Потоа додадете го исечканиот кромид, па измешајте. Кога ќе омекне, посолете и ставете црн пипер, па додадете го спанаќот. Во блендер, овесните снегулки, брашното, кашкавалот и путерот изблендирајте ги, за да се соединат сите состојки. Потоа извадете ја смесата, па во празен блендер додадете го спанаќот од тавчето. Додадете го крем сирењето и се добро изблендирајте. Ставете го спанаќот во тавче за печење, па одозгора ставете ја смесата со овесните снегулки и лесно притиснете. Печете во загреана рерна на 180 степени, околу 40 минути. Добар апетит!
