Потребно:
- 500 гр брашно
- 250 мл млако млеко
- 1 пакетче сув квасец или 20 гр свеж квасец
- 1 лажица шеќер
- 1 лажичка сол
- 50 гр путер (растопен)
- 1 јајце
- 6-8 колбаси
- 1 жолчка од јајце
- 1 лажица млеко
- Сусам
Подготовка: Во сад сипете го млакото млеко, додадете шеќер и квасец и измешајте. Оставете 5-10 минути за да делува квасецот (ако користите свеж, распарчете го). Во голема чинија просејте го брашното, додадете сол, растопениот путер и цело јајце. Потоа додадете го квасецот со млеко. Замесете мазно и еластично тесто (ако е премногу лепливо додадете малку брашно, а ако е премногу суво додадете малку млеко). Покријте го садот со чиста крпа и оставете го на топло место околу еден час, додека тестото не се удвои. Кога тестото ќе нарасне, префрлете го на малку набрашнета површина и поделете го на еднакви делови. Секој дел од тестото расукајте го во лента со дебелина од 2 сантиметри и завиткајте ги овие ленти околу колбасот. Наредете ги колбасите во тесто на плех обложен со хартија за печење, изматете ја жолчката со лажица млеко и секој премачкајте го. По желба посипете со сусам. Оставете ги колбасите да одморат уште 10-15 минути додека рерната се загрева на 180 °C. Печете ги колбасите 20-25 минути или додека не добијат убава златна боја. Добар апетит!
