Потребно:
- 5 цвекла со средна големина
- 2 лажици маслиново масло
- Сол по вкус
Подготовка: Загрејте ја рерната на 180 степени, а во поголемо тавче ставете хартија за печење. Цвеклото излупете го и тенко исечете го (најдобро на ренде, ако имате такво), па зачинете го со маслиновото масло и сол. Се заедно измешајте во поголем длабок пластичен сад за секаде еднакво да се зачини. Наредете го цвеклото во тава и ставете да се пече околу 30 минути. Уживајте во грицките кога ќе се оладат. По желба може да зачините и со некој друг зачин.
