Потребно:
- 1 лажица маслиново масло
- 3 тиквици
- ½ шолја рендана моцарела
- ¼ шолја ситно сечкана чајна или кулен
- 1 лажица оригано
- Сол, бибер
- Кечап или доматно пире
Подготовка: Загрејте ја рерната на максимална температура. Загрејте го маслиновото масло во голема тава на средна температура. Тиквичките се сечат на кругови и се пржат по 1-2 минути од двете страна, додека не добијат златна боја. По вкус се зачинуваат со сол и бибер. Потоа, тиквичките се редат во тава, претходно обложена со хартија за печење. На секоја тиквичка се става по малку кечап или доматно пире, моцарела и кулен или чајна. Се става тавата во рерна, додека моцарелата не се растопи, околу две минути. Се вадат од рерна, се наросуваат со оригано и се сервираат веднаш.
