Потребно:
- 500гр мелено јунешко месо
- 1 парче леб, убаво иситнето (без кора)
- 2 лажици млеко
- 1 помала главица кромид
- 15гр путер
- 150гр спанаќ, може одмрзнат и исцеден, но може и свеж
- 1 чешне лук, ситно исечкано
- Сол и бибер по желба
Подготовка: Во сад ситно иситнете го лебот, прелијте го со млеко, добро измешајте да се добие изедначена смеса. Кромидот ситно исечкан пропржете го на путер, додека да омекне. Оставете малку да се олади. Во поголем сад ставете ги сите состојки, вклучувајќи го и млекото со лебот, пржениот кромид и се добро измешајте. Не користете миксер, туку направете го тоа рачно за да се зачува текстурата на намирниците. Од добиената маса направете осум помали, или четири поголеми плескавици. Ако имате време оставете ги плескавиците да отстојат во фрижидер еден час. Испржете ги во тавче и сервирајте ги со омилените додатоци на детето и на целото семејство.
